దీనికి కారణం లేకపోలేదంటున్నారు విశ్లేషకులు. నిజానికి మొన్నటి ఉపఎన్నికల ముందు వరకూ తెలంగాణా ప్రాంతంలో తెరాసను పట్టించుకున్న వారే లేరు. కానీ తెలంగాణా ఉద్యమం తర్వాత తెరాస సీన్ మారిపోయింది. మెల్లగా ఆ పార్టీ పట్ల ప్రజల్లో విశ్వాసం పెరిగింది. దీంతో ఇతర పార్టీల నుంచి క్రమంగా తెరాసలోకి వలసలు భారీ సంఖ్యలోనే పెరిగాయి.
ఈ పరిస్థితుల్లో బలమైన కాంగ్రెస్ పార్టీతో అనుకూలంగా ఉన్నట్లయితే భవిష్యత్తులో అది తమ పార్టీకే ముప్పు అని తెరాస భావిస్తున్నట్లు విశ్వసనీయ సమాచారం. కనుక రాష్ట్రంలో బలహీనంగా ఉన్న భాజపా అయితే కేంద్రంలో తాము అనుకున్న పని సుళువుగా సాధించుకోవచ్చన్నది ఆ పార్టీ భావనగా ఉంది.
ఇంకోవైపు కాంగ్రెస్ ప్రభుత్వంపై కారాలుమిరియాలు నూరుతున్న వైఎస్.జగన్ హవా సీమాంధ్రలో సూపర్‌గా ఉన్నది. వచ్చే అసెంబ్లీ ఎన్నికల్లో తెలంగాణాలో తెరాస, సీమాంధ్రలో వైఎస్ జగన్ పార్టీ ఢంకా బజాయించి విజయం సాధిస్తుందన్న నమ్మకం ఆ పార్టీలో తొణికిసలాడుతోంది. ఎలాగూ జగన్ కాంగ్రెస్ వ్యతిరేకే కాబట్టి భవిష్యత్తులో జగన్‌తో కలిసి కేంద్రంలో చక్రం తిప్పాలన్న ధ్యేయంతో తెరాస ఉన్నట్లు తెలుస్తోందని విశ్లేషకులు అభిప్రాయంగా ఉంది. చూద్దాం.. ఏం జరుగుతుందో...?
No comments:
Post a Comment