టమాటా నిల్వ పచ్చడి

కావలసిన పదార్థాలు
టమాటాలు - 3 కిలోలు
చింతపండు - అరకిలో.....................................
ఉప్పు - 3 డబ్బాలు
కారం - 3 డబ్బాలు, మెంతిపిండి - 50 గ్రాములు
పసుపు - 25 గ్రాములు
నూనె - 1 కిలో, ఆవాలు - 50 గ్రాములు
ఛాయమినప్పప్పు - 50 గ్రాములు
వెల్లుల్లి - 100 గ్రాములు, ఇంగువ - కొద్దిగా
తయారు చేసే విధానం
టమాటాలు శుభ్రంగా కడిగి తడి లేకుండా తుడిచి నాలుగు ముక్కలు కోసుకోవాలి. వీటిలో ఉప్పు కలిపి మూడు రోజులు ఊరబెట్టాలి. తర్వాత ముక్కలు పిండి ఎండబెట్టాలి. టమాటా రసంలో చింతపండు నానబెట్టాలి. ఎండిన టమాటా ముక్కలు, నానబెట్టిన చింతపండు, ఉప్పు, కారం పసుపు, ఆవపిండి, మెంతిపిండి, వెల్లుల్లి కలిపి మెత్తగా రుబ్బుకోవాలి. కాగిన నూనెలో ఎండుమిర్చి, ఛాయమినప్పప్పు, ఆవాలు, ఇంగువతో తాలింపు పెట్టుకోవాలి. ఇలా ఒకేసారి తాలింపు పెట్టుకోవడం ఇష్టం లేనివారు ఎప్పుడు కావాలంటే అప్పుడు కొద్ది కొద్దిగా తాలింపు పెట్టుకోవచ్చు. ఏడాది పాటు నిల్వ ఉండే ఈ పచ్చడి రోజులు గడిచే కొద్దీ మంచి రుచిగా ఉంటుంది.