కొబ్బరినీరు మంచి జీర్ణకారి!

కొబ్బరి నీరు పూర్తిగా సహజసిద్ధమైంది. శరీరానికి అవసరమయ్యే విటమిన్లు, ఖనిజాలు గల హెల్త్‌టానిక్. అప్పటికప్పుడు................... శరీరానికి తాజా శక్తిని అందిస్తుంది. చాలా ఎనర్జీ డ్రింకులు, స్పోర్ట్స్ డ్రింకుల కంటే ఎక్కువ పొటిషియం కలిగివుంది కొబ్బరినీరు.అలాగే స్పోర్ట్స్, ఎనర్జీ డ్రింకుల కంటే తక్కువ సోడియం వుంటుంది. తక్కువ సోడియం అంటే గుండె సమస్యలు, డీహైడ్రేషన్ సమస్యలు తక్కువుగావుంటాయి. ప్రాసెస్డ్ చక్కెరకు బదులు సహజ చక్కెరలు, ఫ్లేవర్లు వుంటాయి. పాలకంటే తక్కువ ఫ్యాట్ వుంటుంది. కొలెస్ట్రాల్ వుండదు. పండ్లరసం కంటే కూడా కొబ్బరినీరు ఆరోగ్యప్రదమైనవి. ఉష్ణోగ్రత ప్రభావం అధికంగా వున్నప్పుడు శారీరక వ్యవస్థను చల్లబరచడంలో కొబ్బరినీరు అద్భుతంగా పనిచేస్తుంది.

సుమారు మంద మిల్లీలీటర్ల నీటిలో 17 కేలరీల శక్తి లభిస్తుంది. వందగ్రాముల కొబ్బరిలో 445 కేలరీల శక్తి లభిస్తుంది. కాలేయ వ్యాధులున్నవారు, అజీర్తి, విరేచనాలు వంటి సమస్యలు వున్నవారు కొబ్బరినీరు తాగితే ఎంతో శక్తి అందుతుంది. లేతకొబ్బరి నీరు జీర్ణంకావటానికి అరగంట చాలు. ఉప్పుశాతం వుంటుంది. దీనికి మిళితం అయిన తీపీ వుంటుంది. పొటాషియం, క్లోరిన్ వుంటాయి.

గుండె జబ్బులు, మూత్రంలో మంట వున్నవారికి ప్రయోజనకారి. కొబ్బరిబోండాంలో అనేక అమినోయాసిడ్లు వుంటాయి. ప్రోటీన్ల లోపం గలవారు కొబ్బరిని మెత్తగా రుబ్బి, పాలుతీసి తాగితే మేలు కలుగుతుంది. కడుపులో పురుగులుంటే ఉదయం ఓ గ్లాసు కొబ్బరిపాలు తాగి, నాలుగు గంటల తర్వాత ఓ చెంచా ఆముదం తీసుకుంటే పురుగుల బెడద తొలగిపోతుంది. పచ్చి కోబ్బరిలో బెల్లం నంజుకుని తింటే దంతాలు గట్టిపడతాయి. పాదాలపగుళ్ళకు కొబ్బరిపాలతో గ్లిజరిన్ కలపి పట్టిస్తే తేడా ఇట్టే అర్థం కాగలదు.