డేటింగ్‌ వల్ల లైఫ్ డేంజర్‌లో పడొచ్చు...

నేటి సమాజంలో ఆధునిక విజ్ఞానంతో పాటు పాశ్చాత్య సంస్కృతి కూడా చోటుచేసుకుంది. ఆ క్రమంలో నేడు డేటింగ్ అనే ఒక ఒప్పంద అనుబంధం.......................................చాలా మంది యువతీ యువకుల మధ్య కన్పిస్తోంది. కానీ, డేటింగ్ పేరుతో కలిసి మెలిసి తిరిగే కుర్రకారులో ముఖ్యంగా ఆడపిల్లలు గర్భం రాకుండా ఉండేందుకు తక్షణ చర్యగా అందుబాటులో ఉండే గర్భ నిరోధక మాత్రలను వాడుతుంటారు. ఆ మాత్రలు అప్పటికి ప్రయోజనకరంగా ఉంటాయి. కానీ, భవిష్యత్తులో కేన్సర్ కారకాలుగా మారి జీవితాన్ని అంధకారంగా మారుస్తాయని పరిశోధనలు వివరిస్తున్నాయి.

‌జొహన్స్‌బర్గ్ జాతీయ సంక్షేమ పరిశోధనా సంస్థకి చెందిన నిపుణురాలు మార్గరెట్ అర్బన్ నేతృత్వంలోని ఒక బృందం గర్భనిరోధక మాత్రలు వేసుకునే స్త్రీల మీద వైద్య పరీక్షలు నిర్వహించారు. వారిలో గర్భనిరోధక మాత్రలను వేసుకునే స్త్రీలకు రెండున్నర రెట్లు బ్రెస్ట్ కేన్సర్, ఒకటిన్నర రెట్లు గర్భసంచి కేన్సర్ ఏర్పడే ప్రమాదం ఉందని తేల్చారు. కానీ ఆ మాత్రలను వాడటం నిలిపివేస్తే కొన్ని సంవత్సరాలలో ఆ సమస్య నయమైపోతుందని తెలిపారు.