వేసవి వచ్చేస్తోంది.. మీది జిడ్డు చర్మమా.. ఇవిగోండి చిట్కాలు!

వేసవి వచ్చేస్తోంది. బయటికెళ్లాలంటే వేడిగాలులకు జడుసుకుంటాం. అలాంటి వేసవిలో చర్మ సంరక్షణ ఎంతో అవసరమని....................................ఆరోగ్య నిపుణులు అంటున్నారు. మీది ఆయిల్ ఫేస్ అయితే వేసవి కారణంగా మీ చర్మం అందవిహీనంగా కనిపిస్తుంది. ఆయిల్ ఫేస్ ఉన్నవారు తీసుకోవాల్సిన జాగ్రత్తలు గురించి తెలుసుకోవాలంటే.. ఈ కథనం చదవాల్సిందే..
జిడ్డు చర్మం కలిగిన వారు టమాటో గుజ్జును రాసుకుని ఎండిన తర్వాత గోరువెచ్చని నీటితో కడిగితే ముఖం ప్రకాశవంతంగా ఉంటుంది. అలాగే వోట్స్, పాలు పౌడర్ మిశ్రమాన్ని నెలకు ఒకసారి ముఖానికి పట్టించి 20 నిమిషాల తర్వాత కడిగేస్తే జిడ్డు చర్మం మెరిసిపోతుంది.
అలాగే పాలు, గుడ్డులోని తెల్లసొన, క్యారెట్ తురుమును పేస్ట్‌లా చేసుకుని ముఖానికి రాసుకుంటే మంచి ఫలితం ఉంటుంది. ఆయిల్ ఫేస్ కలిగిన వారు అప్పుడప్పుడు ముఖాన్ని నీటితో శుభ్రం చేసుకుంటూ ఉండాలి. ముఖాన్ని నీటితో శుభ్రం చేసే సమయంలో సబ్బుకు బదులు సున్నిపిండిని వాడటం చాలా మంచిది.
ఇంకొన్ని చిట్కాలు..
* ఇంకా పెరుగును ముఖానికి రాసుకుని కాసేపయ్యాక కడిగేయాలి.
* అలాగే నిమ్మరసాన్ని ముఖానికి రాసినా మంచి ఫలితం ఉంటుంది.
* కార్న్ పౌడర్, పెరుగు, నిమ్మరసం మిశ్రమాన్ని ముఖానికి ప్యాక్‌లా వేసుకుని కాసేపయ్యాక కడిగేస్తే జిడ్డు తత్వం తొలగిపోతుంది.
* ఎండల్లో తిరిగి ఇంటికొచ్చిన వెంటనే కాసింత పెరుగు, సున్నిపిండి, నిమ్మరసం మిశ్రమాన్ని ముఖానికి పట్టించండి.
* నిమ్మరసం, తెల్లసొన, ద్రాక్ష రసం మిశ్రమాన్ని కూడా ముఖానికి రాసుకుంటే జిడ్డు తొలగిపోతుందని బ్యూటీషన్లు చెబుతున్నారు.