మీ పెదవుల అందాన్ని పెంచే లిప్‌స్టిక్... ఎలాంటివి వాడాలి..?

పెదవుల నిగారింపుకు వాడే పూతమందునే లిప్‌స్టిక్ అంటారు. లిప్‌స్టిక్ చాలా రంగుల్లో, చాలా రకాలుగా ఉంటుందనేది తెలిసిందే........................................... అయితే ఎలర్జీ వంటి సమస్యల కారణంగా అన్ని లిప్‌స్టిక్‌లూ అందరికీ పడవు. అటువంటప్పుడు పెదవుల ఆకృతిని బట్టి, పరిమాణాన్ని బట్టి కూడా ఏ తరహా లిప్‌స్టిక్ వాడాలో నిర్ణయించుకోవచ్చని అంటున్నారు సౌందర్య నిపుణులు.

గుండ్రంగా గులాబీ మొగ్గలా చిన్న నోరు ఉండేవారికి ఒకలాంటి మెరుపుతో కూడిన లిప్‌స్టిక్‌లు బాగా నప్పుతాయి. ఇవి రాసుకుంటే పెదాలు నిండుగా కన్పిస్తాయి.

మ్యాట్ లిప్‌స్టిక్‌లు మంచి రంగుల్లో చిక్కని ఛాయల్లో లభ్యమవుతాయి. ఇవి వెడల్పాటి పెదవులున్న వారికి బాగా నప్పుతాయి. ఇవి సాధారణంగా పొడిగా ఉంటాయి కాబట్టి ముందుగా లిప్ క్రీమ్ రాసి ఆ తర్వాత లిప్‌స్టిక్ వేస్తే పెదాలు తేమగా కనిపిస్తాయి.

కొన్ని రకాల లిప్‌స్టిక్‌లు పొడిగా ఉన్నట్లు కనిపిస్తాయి. వీటిలో తేమ శాతం ఎక్కువగా ఉన్నట్లు రూపొందించినా సరే అవి పొడిగానే కనిపిస్తాయి. ఇలాంటివి వేసుకున్నప్పుడు 5,6 గంటల తర్వాత ఒకసారి పెదవులను తుడిచేసుకుని మళ్లీ లిప్‌స్టిక్ వేసుకుంటే బాగుంటుంది.

పెదవులు తడారిపోతుండే వారు ప్రత్యేకమైన లిప్‌స్టిక్‌లనే వాడాలి. విటమిన్ ఇ, అలోరా, గ్లిసరిన్ ఉన్న లిప్‌స్టిక్‌లు ఇలాంటి వారికి బాగా సరిపోతాయి.